शर्मिला बि क

भानु खबर । तनहुँको बन्दिपुर गाउँपालिकामा नागरिकहरुलाई कोरोना विरुद्धको खोप लगाउन आज देखि सुरु हुने भएको छ ।


नेपाल सरकारले कोभिड १९ रोगको रोकथाम र नियन्त्रणको लागि विभिन्न चरणमा खोप्क अभियान सफलतापुर्वक संचालन गर्दै आएको छ ।


गण्डकी प्रदेश स्तरीय खोप समन्वय समितिको मिति २०७८/०३/२८ गते र DCCMC तनहुको मिति २०७८/०३/२९ गतेको निर्णय अनुसार बन्दिपुर गाउँपालिका भित्र का ५५ बर्ष र सो भन्दा माथि उमेर समुहका कोभिड विरुद्ध पहिलो मात्र खोप लगाउन बाकि सबै नागरिक,क्याम्पस,विधालयका प्राध्यापक ,शिक्षक,कर्मचारी , सार्वजनिक यातायात का चालक ,सहचालक,नेपाल सरकारले तोकेको अत्यावश्यक सेवामा संलग्न खोप लगाउन बाकि भएका ब्यक्तिहरु र खोप अनिवार्य गरेको देशमा जाने नेपालि नगरिकहरुलाई यो चरणको खोप लगाइएको छ ।


भेरोसिल कोभिड भ्याक्सिन लगाउन जादा सम्पुर्ण नागरिकले आधिकारिक प्रमाणपत्र लैजानु पर्ने गाउँपालिकाका अध्यक्ष पूर्णसिंह थापाले बताउनु भएको छ ।


खोप लगाउने केन्द्र तथा स्थान पिप्ले सहरि स्वास्थ केन्द्र बन्दिपुर -१ पिप्ले,बन्दिपुर अस्पताल बन्दिपुर -४ ,धरमपानी स्वास्थ चौकी बन्दिपुर -६ धरमपानी,सहरि स्वास्थ केन्द्र बन्दिपुर-५ कल्चोक ,सहरि स्वास्थ केन्द्र बन्दिपुर-२ कुकुर्दि सहरि स्वास्थ केन्द्र बन्दिपुर-३ सुकौरा रहेको स्वास्थ शाखा प्रमुख अञ्जीर भट्टराईले बताउनु भएको छ ।

खोप लगाउने मिति र समय २०७८ असार ३० र ३१ गते बिहान १० देखि ४ बजे सम्म रहेको छ ।

अन्तिम पटक अध्यावधिक गरिएको 127 Viewed

प्रतिक्रिया दिनुहोस्