रगतको अभाव हुन नदिन युवाले गरे रक्तदान

सोम गुरुङ,भानु खबर, फागुन / नेपालगन्ज १० नं. वडा स्तरीय युवाक्लव सञ्जालको आयोजना साथै नेपालगन्ज उपमहानगरपालिका १० नं. वडा कार्यालयको समन्वयमा नेपाल रेडक्रस सोसाईटी रक्त संचार सेवा केन्द्र बाँके नेपालगन्जमा रक्तदान कार्यक्रम सम्पन्न भएको छ । युवाको नेतृत्व विकास साथै विभिन्न सामाजिक कार्य गर्ने उद्देश्ले नेपालगन्ज उपमहानगरपालिका वडा नं. १० मा गठित युवा क्लव सञ्जालले कोही पनि विरामीहरु रगतको अभावले ज्यान गुमाउन नपरोस् साथै समय समयमा रक्तदान गर्दा आफ्नो स्वास्थ्य पनि राम्रो हुने भन्ने जनचेतना फैलाउन यो कार्यक्रम आयोजना गरिएको सञ्जालको अध्यक्ष ऋतिक शाहीले वताए ।

उक्त रक्तदान कार्यक्रममा सञ्जालको पदाधिकारी साथै वडा नं. १० को वडा सदस्य मनोज शाही, बालमैत्री सहजकर्ता राजेन्द्र विष्ट, बिजेन्द्र यादव, रिशव रोका, प्रसिस शाही ,आरती कनोजिया, अन्जना चर्तुवेद्धी, पुजा के सि, प्रशान्त गिरि, सन्दिप रुचाल, सुमित शिरिश मगर, अशोक के सि, दिलिप थारु, मन्तोश प्रशाद शाह, सुमन के सि, शिशिर आचार्य, अरुना बि सि, बशिष्ट भट्ट, केशव पौडेल, बप्पी गुरुङ्ग, रविन खत्री, भरत घले, रिया श्रेष्ठ, बर्षा खड्का, समिक्षा रावत, २६ जना युवाले रक्तदान गरेका थिए । रक्तदान कार्यक्रममा वडा नं. १०को वडा अध्यक्ष विन्दु भुषण, युवा अभियान्ता सुलभ कार्की, सुदिप श्रेष्ठ र ओजोश्बी जोशी र बालअधिकारकर्मी श्वेता गुरुङ्ग, मेनका रावत मोहम्मद सलमान सलमानी, देवा क्षेत्री, दिपा सुनार, पर्शुराम बारी लगायतको उपस्थिति रहेको थियो । सामाजिक अभियान तथा कार्यक्रमहरुमा वडा कार्यालयले साथ र सहयोग निरन्तर गर्दै जाने वडा नं. १० का वडा अध्यक्ष विन्दु भुषण बस्नेतले बताउनु भयो ।