काठमाडौ, मिलिजुली टिकटक परिवारले क्यान्सर पिडित महिलालाइ नगद रु ७५ हजार ५ सय १५ सहयोग हस्तान्तरण गरेको छ ।

मानव सेवा नै मुल धर्म हो भन्ने मुल नाराका साथ मिलिजुली टिकटक परिवारले सिद्धार्थनगर नगरपालिका वडा नम्बर ६ रुपन्देही निवासी हाल पठेघर क्यान्सर रोग बाट पिडित ५१ बर्षिया ज्योति पौडेललाई उपचार को लागि उक्त रकम हस्तान्तरण गरेको हो ।

मिलिजुली परिवारमा आवद्ध करिब ३ दर्जन सदस्यहरु ललितपुर बालकुमारीस्थित अभिनाश चर्चमा जम्मा भै बिरामिलाई उपचारमा सहयोग पुग्ने उद्देश्यले बिरामिका श्रीमान सुनिल पौडेललाई उक्त रकम हस्तान्तरण गरेका छन ।

मिलिजुली टिकटक परिवारले बालआश्रम, बृद्वाआश्रम गरिब दिनदुखी हरुको हितमा विगत ५ महिना देखि काम गर्दै आएको मिलिजुली परिवारका सदस्य रेशम तामाङले बताए ।

ललितपुर हत्तिवनस्थित नेपाल क्यान्सर अस्पतालमा २ महिना देखि उपचारत बिरामीको उपचारमा हाल सम्म करिव ४ लाख खर्च भैसकेको छ भने उपचारमा अझै ५ लाख खर्च लाग्ने बिरामिका श्रीमान सुनिल पौडेलले बताए।

अन्तिम पटक अध्यावधिक गरिएको 470 Viewed

प्रतिक्रिया दिनुहोस्